Utafiti uliofanywa na taasisi ya ushauri elekezi ya MOSHAK CONSULTANT ya mjini UNGUJA umeonyesha kuwa takriban asilimia 70 ya wakulima na wajasiriamali wadogo hawanaelimu ya uzalishaji na masoko.

Mtafiti wa taasisi hiyo DKT. MOHAMED MOHAMED amesema ukosefu wa elimu ya kuzalisha, kutumia vifungashio vilivyo rasmi umekuwa chanzo cha kurudisha  nyuma biashara za wajasirimali na wakulima.

Kikosi cha Jeshi la anga cha nchini NIGERIA kimeua kwa bahati mbaya zaidi ya wakimbizi 50 na wafanyakazi wa kutoa msaada wakati wa operesheni dhidi ya wanamgambo wa kundi la BOKO HARAM.

Mkurugenzi mkuu wa shirika la kutoa misaada MSF, Dkt JEAN-CLEMENT CABROL amesema zaidi ya wakimbizi 120 wamejeruhiwa huku wafanyakazi  sita wa shirika lake wakiuawa kutokana na shambulizi hilo.

Dkt CABROL amesema Shambulio hilo limetokea karibu na mpaka  wa nchni Cameroon ambapo amewataka askari wa kulinda amani kuheshimu haki za binadamu wakati wa operasheni zao za kijeshi.

Msemaji wa rais nchi NIGERIA amesema serikali imesikitishwa kwa tukio hilo, na kuomba radhi kwa wahanga wote na kueleza kuwa NIGERIA itatoa msaada wa kutosha kwa majeruhi na waathirika wote.

Taasisi ya Moyo ya JAKAYA KIKWETE – JKCI iliyopo Jijini Dar es salaam kwa kushirikiana na timu ya wataalamu kutoka hospitali ya APOLLO ya nchini INDIA imefanikiwa kufanya upasuaji kwa wagonjwa wa moyo Sita bila kutumia mashine ya mapafu na moyo.

Akizungumza na waandishi wa habari Jijini DAR ES SALAAM kwa niaba ya Mkurugenzi Mtendaji wa Taasisi  hiyo, mmoja wa madakta wa taasisi hiyo Dkt. BASHARI  NYANGASA amesema kuwa upasuaji huo umesahidia kupunguza madhara ambayo yangetokana na kutumia  mashine hizo.

Kwa upande wake Mkurugenzi wa tiba ya moyo Dkt. PETER KISENGE amesema kuwa upasuaji wa aina hiyo ni ni endelevu na kutoa wito kwa madaktari wote nchini kuwapeleka wagonjwa wenye matatizo ya moyo  katika taasisi hiyo ili wakapatiwe  matibabu.

Upasuaji huo kwa wagonjwa wa moyo SITA ndani ya nchi umeisaidia serikali kuokoa zaidi ya Shilingi Milioni 170 ambazo zingetumika endapo wagonjwa hao wangetibiwa nje ya nchi.

Watoto wanaolazwa katika Hospitali ya Rufaa ya mkoa wa KILIMANJARO MAWENZI wameondokana na tatizo la kupata magonjwa ya milipuko kutokana na msongamano waliokuwa nao katika jengo la kulazia watoto la hapo awali baada ya kukarabatiwa kwa wodi nyingine ya watoto.

Mkuu wa idara ya watoto hospitali ya MAWENZI, Dkt WINFRIDA SHOO amesema kuwa kukarabaitiwa kwa jengo hilo kutasaidia kuondoa msongamano kwa watoto wanaolazwa hospitalini hapo.

Kwa upande wake Mkuu wa mkoa wa KILIMANJARO, SAID MECK SADICK amesema baadhi ya majengo ya hospitali hiyo ni chakavu na yanahitaji kufanyiwa ukarabati na serikali kwa  kushirikiana na wadau mbalimbali